ВУЧИЌ ОБЈАВИ ФОТОГРАФИЈА СО ДАЧИЌ – Ивица ја напушти болницата, од следната недела назад на работа

Српскиот претседател Александар Вучиќ на својот Инстаграм профил објави фотографија со Ивица Дачиќ, кој денеска е пуштен од болница.

– Ивица штотуку ја напушти болницата. Благодарен сум на лекарите што направија вистинско чудо и среќен сум за него и неговото семејство, кои денес слават живот и голема победа. Никој нека не се лути,  тој е социјалист, јас не сум, па затоа му благодарам на Бога, напиша Вучиќ.

Тој во објавата додаде и дека Дачиќ наскоро ќе се врати на редовните обврски.

„П.С. Од следната недела ќе мора да ми се придружи во работата – крај на мрзеливоста“ – додаде српскиот претседател.