(ВИДЕО) ВОЈНАТА ПОЧНА – Техеран под удар, во Израел страв од одмазда

Исраел Кац утрово потврди дека Израел започнал воена операција против Иран, при што израелските воздухопловни сили извршиле воздушни напади врз цели во самиот центар на Техеран.

Според официјалното соопштение на Министерството за одбрана на Израел, акцијата е преземена како „превентивен чекор“ со цел неутрализирање на непосредни закани по националната безбедност на државата.

Набргу по потврдата за нападите, министерот Кац прогласи посебна вонредна состојба на територијата на цел Израел. Израелските разузнавачки служби предупредуваат дека одмазднички напад од страна на Техеран е „прашање на време“, при што се очекува можна употреба на беспилотни летала и балистички ракети.

Сирените за воздушна опасност веќе се активирани во повеќе израелски градови, а Командата на домашниот фронт упати итен апел до граѓаните веднаш да се засолнат и строго да ги следат официјалните инструкции. Надлежните институции нагласуваат дека заканата од воздушни напади останува на критично ниво до понатамошно известување.

Во исто време, извори од Техеран јавуваат за силни експлозии што одекнуваат низ главниот град. Иако информациите за погодените цели сè уште се проверуваат, се наведува дека израелските авиони ја пробиле иранската воздушна одбрана и нападнале стратешки позиции во централното градско подрачје.

Меѓународната заедница со зголемена загриженост го следи развојот на настаните, додека Блискиот Исток се соочува со ризик од сериозна регионална ескалација.

عکسهایی از برادرم دریافت کردم که حدود نیم ساعت است که اسرائیل در حال بمباران مناطق گوناگونی در تهران است، میدان توحید و مرکز شهر pic.twitter.com/KC01BVXclf

— Mahmood (@MalekiMaleki12) February 28, 2026