ВО 2025 ИЗВРШИТЕЛИТЕ НАПЛАТИЛЕ 137 МИЛИОНИ ЕВРА Само од физички лица се наплатени над 50 милиони евра

Во 2025 година преку извршители се наплатени околу 137,4 милиони евра, што е нешто над 43% од вкупните побарувања, покажуваат податоците на Комората на извршители. Иако сумата е пониска за околу 23 милиони евра од лани, расте товарот врз граѓаните – од физички лица се наплатени рекордни 50,8 милиони евра, речиси четири милиони повеќе од 2024.

Од компаниите се инкасирани 63,4 милиони евра, а од државните институции 24,8 милиони евра, при што кај двете категории има намалување. Истовремено, фирмите како доверители наплатиле над 105 милиони евра, граѓаните над 31 милион, а државата помалку од 2,5 милиони евра.

Од воведувањето на системот досега се наплатени над 2,22 милијарди евра, при што најмногу средства се реализирани во Скопје – близу 70 милиони евра.