ПЛАТИТЕ ВО ЗДРАВСТВОТО ПОВИСОКИ ЗА 4.815 ДЕНАРИ А ЗА МЕДИЦИНСКИТЕ СЕСТРИ 6.200 ДЕНАРИ Владата продолжува да работи во интерес на граѓаните
За само шест месеци од Владата платите во здравството достигна зголемување од 4.815 денари нето за сите здравствени работници, додека за медицинските сестри изнесува дури 6.200 денари.
Владата значително ги зголеми платите на здравствените работници, медицински сестри, техничари и административен персонал. Првото покачување беше со октомвриската плата во 2024 година, а со мартовската плата исплатена на април за сите вработени во јавниот здравствен сектор се зголеми за 2.500 денари, соопшти Прес службата на Влада на Република Македонија.
-„За само шест месеци од Владата платите во здравството достигна зголемување од 4.815 денари нето за сите здравствени работници, додека за медицинските сестри изнесува дури 6.200 денари. Со ова покажавме дека се враќа достоинството на докторите и медицинските сестри кои се чувари на здравјето на граѓаните. Наша цел е подобрување на здравствените услуги и здравствената заштита на пациентите.
Преку дијалог со здравствените синдикати постигнавме историски договор за покачување на платите во здравството во следните четири години да достигне дури 50 проценти. Со работа, труд и реформи носиме резултати кои значат поголема мотивација, посветеност, стабилност и квалитет во здравството. Владата продолжува да работи во интерес на сите граѓани и конечно враќање на довербата на граѓаните во јавните здравствени услуги“, се вели во владиното соопштение.
