ПСЖ ДОМИНИРАШЕ ПРОТИВ ЛИВЕРПУЛ – Барселона загуби на домашен терен

Барселона загуби на домашен терен од Атлетико Мадрид со 0-2 во првиот четвртфинален натпревар од Лигата на шампионите. Барселона започна офанзивно, а Маркус Рашфорд се закани двапати, но голманот на Атлетико, Хуан Мусо, беше сигурен. Во 17-та минута беше поништен гол на Барселона поради офсајд на асистентот Ламине Јамал. Во 31-та минута Дејвид Хенк од Атлетико излезе од игра поради повреда и беше заменет со Марк Пубил. Во 44-та минута беше клучниот момент кога Пау Кубарси собори Џовани Симеоне. По преглед на ВАР, доби директен црвен картон. Од слободниот удар Хулијан Алварез постигна гол за 0-1.

На полувремето Барселона ги внесе во игра Гави и Лопез наместо Педри и Левандовски.

Во второто полувреме, Рашфорд имаше две шанси, но без успех и една пропушти, а друга удри во пречка. Во 70-та минута, Александар Сорлот го постави конечниот резултат 0-2 по центаршутот на Руџери. Голманот Мусо имаше неколку одлични одбрани до крајот на натпреварот. Реваншот се игра во вторник во Мадрид.

Во вториот натпревар ПСЖ рутински ја победи екипата на Ливерпул. Во 11-та минута Дезир Доуе нафрли од левата страна и го матираше голманот Мамардашвили за 1-0. Во 30-та минута Ливерпул се закани преку Собослај, но резултатот остана непроменет. Во 65-та минута Квича Квараскелиа ја зголеми предноста на 2-0 по соло акција, поминувајќи ја одбраната на Ливерпул. Во 70-та минута ПСЖ доби пенал поради фаул на Конате, но одлуката беше поништена по ВАР.

Реваншот е закажан за вторник во Англија.