УНГАРИЈА ЕДИНСТВЕНА ВО ЕУ ШТО НЕ ЈА ПОТПИША ИЗЈАВАТА ЗА ПОДДРШКА НА УКРАИНА – Орбан бара самит со Русија

Унгарија остана единствената членка на Европската Унија што не ја потпиша заедничката изјава на преостанатите 26 земји, со која се повикува Украина да учествува во одлучувањето за сопствената иднина. Премиерот Виктор Орбан објасни дека документот поставува услови за состанок на кој лидерите на ЕУ не се поканети, оценувајќи дека „е полошо да даваме инструкции од клупата“.

Тој предложи наместо тоа да се организира самит ЕУ–Русија, по моделот на состанокот САД–Русија. Ова е уште еден случај во кој Орбан се спротивставува на заедничките позиции на ЕУ за Украина, по претходните несогласувања околу санкциите кон Москва и потпишувањето на изјави за поддршка на Киев.