УКРАИНА САКА БИТКА, ЕВРОПА И ПОМАГА – Орбан ја обвинува Европската Унија
Европската поддршка ѝ овозможува на Украина да ја одржува војната, вели унгарскиот премиер
Украинците сакаат да продолжат со конфликтот, а европската поддршка ја одржува војната, изјави денес премиерот на Унгарија, Виктор Орбан, пренесува „Mađar Nemzet“. Тој додаде дека мировните преговори можеле да започнат многу порано доколку европските земји не ја поддржуваа Украина.
„Сите знаеме дека постојат пречки за мир. Украинците сакаат да ја продолжат војната. Тие имаат право на тоа, иако со тоа ја загрозуваат цела Европа. Сепак, ова е нивна земја и нивна борба за слобода“, изјави Орбан.
Тој нагласи дека конфликтот се одржува токму поради европската поддршка:
„Доколку Европејците не застанеа зад Украинците, тие немаше да можат да ја продолжат војната. Мировните преговори ќе беа одржани одамна, и ќе имаше примирје и мир.“
Премиерот заклучи дека Европа го одржува конфликтот активен и дека „доколку се вразумат, мирот ќе преовлада“.
