УКРАИНА ПРИЗНАВА – Тешко е да се обезбедат доволно војници
Регрутите кои не ги почитуваат правилата ризикуваат казни или конфискација на имот
Мобилизацијата во Украина се одвива со големи предизвици. Сè потешко е да се обезбеди доволен број војници на фронтот.
Заменик-шефот на Кабинетот на претседателот Володимир Зеленски, Павло Палиса, изјави дека во четвртата година од војната е тешко да се обезбеди персонал на потребното ниво за постигнување оперативна и стратешка предност.
Тој додаде дека решавањето на клучните проблеми и подобрување на ефикасноста на единиците ќе бара месеци.
Според Палиса, позитивните резултати од мобилизацијата се веќе видливи, а значително олеснување на тактичко и оперативно ниво се очекува во следните 4-5 месеци.
Еден од приоритетите е справувањето со фрагментацијата на фронтот, каде единиците се борат во различни насоки, што ја намалува нивната ефикасност. Тој призна дека државата не успеала доволно да ги информира граѓаните за мобилизацијата.
„Не очекувајте магични апчиња“, истакна Палиса. Според него, големите војни секогаш носат сложени предизвици, слично како САД во Виетнам или Израел во Појасот Газа.
Регрутите кои не ги почитуваат правилата за воена обврска ризикуваат казни од 17.000 гривни (околу 350 евра). Долгорочното неплаќање може да доведе и до конфискација на имот.