ТУРКМЕНИСТАН ИМА ГАС ЗА ЕВРОПА Сепак патот е затворен

Туркменистан, познат по својата значајна продукција на природен гас, повторно изрази интерес за испорака на гас во Европа, но истовремено укажа на сериозни логистички предизвици. На енергетскиот форум во Ашхабад, претседателот на државната компанија Туркменгас, Максат Бабаев, истакна дека недостигот од соодветен гасовод кој би поврзувал Централна Азија со Европа преку Каспиското Море е главна пречка.

Туркменистан располага со значителни резерви на природен гас, проценети на една четвртина до една петина од глобалните ресурси, но поголемиот дел од овој гас се извезува во Кина. Во услови на зголемена потрага по нови извозни патишта, европските земји, вклучувајќи ја и Унгарија, покажуваат интерес за туркменистанскиот гас. „Спремни сме да испорачаме гас на границата. Гасоводот исток-запад, со капацитет од 30 милијарди кубни метри годишно, може да се искористи за испорака во Европа“, рече Бабаев.

Сепак, предизвикот останува, бидејќи гасот мора да премине преку Каспиското Море, а гасоводот за тоа сè уште не е изградена. Проектот за транс-кспискиот гасовод повторно стана актуелен, особено во светло на европските напори за намалување на зависноста од руски енергетски ресурси поради конфликтот во Украина. Во исто време, санкциите го ограничуваат транспортот на туркменистански гас преку Русија или Иран.