ТРИЛАТЕРАЛА КООРДИНАТИВНА СРЕДБА МЕЃУ ТУРЦИЈА, САД И УКРАИНА Сега на ред средба меѓу Русите и Украинците

Во претседателската палата Долмабахче во Истанбул денес се одржа трилатерална средба помеѓу претставници на Турција, Соединетите Американски Држави и Украина, која траеше нешто повеќе од еден час. Според информации од турското Министерство за надворешни работи, разговорите се одвивале во конструктивна атмосфера.

Украинската делегација беше предводена од шефот на претседателскиот кабинет, Андриј Јермак, а во составот беа и министерот за одбрана, Рустем Умеров, и заменик-министерот за надворешни работи, Андриј Сибиха.

Американската страна ја претставуваа државниот секретар Марко Рубио, специјалниот пратеник Кит Келог и американскиот амбасадор во Турција, Том Барак.

Турција на средбата беше застапена од шефот на Националната разузнавачка организација, Ибрахим Калин, и министерот за надворешни работи, Хакан Фидан.

По трилатералната средба, се очекува на истата локација, со почеток во 11:30 часот, да се одржат и првите директни преговори меѓу Русија и Украина од пролетта 2022 година. Руската делегација ќе ја предводи помошникот на претседателот, Владимир Медински, кој претходно изјави дека целта на разговорите е воспоставување долгорочен мир и адресирање на основните причини за кризата.

Агенцијата Anadolu јавува дека интересот за средбите е голем, а вниманието на меѓународната јавност е насочено кон можните исходи од директните разговори меѓу Киев и Москва.