ТРИ СЦЕНАРИЈА ЗА НОВИОТ КЛИНИЧКИ ЦЕНТАР Владата на чекор до одлука
Министерот Азир Алиу открива дека се разгледуваат три можни решенија – реконструкција, нова градба или преселба на Клиничкиот центар кај „8 Септември“.
Министерот за здравство Азир Алиу во интервју за Радио Слободна Европа изјави дека во моментов се разгледуваат три можни решенија за новиот Клинички центар во Скопје: Реконструкција на постоечкиот комплекс, изградба на целосно нов клинички центар на нова локација и преместување и изградба на нов комплекс кај „8 Септември“.
Алиу нагласи дека станува збор за рана фаза и дека конечната одлука ќе ја донесат експертите, кои ќе ја оценат инфраструктурата, пристапноста, финансиските можности и поврзаноста со Медицинскиот факултет.
Во однос на проектот со Обединетото Кралство, министерот информира дека првата фаза вредна 205 милиони евра опфаќа нова зграда во Кичево, реновирање и нови објекти во Тетово и Штип, како и нов факултетски објект во Штип.
Следната фаза ќе вклучи анализа на останатите регионални здравствени институции со цел да се спроведе регионализација и дисперзија на здравствените услуги.
Алиу најави и дигитализација и реформи во здравството, вклучувајќи подобрувања во системот „Мој термин“, воведување електронски рецепти и упати, како и решенија за недостигот на лекари и термини. Премиерот ја оцени локацијата на „8 Септември“ како одлична, а Алиу вели дека конечната одлука ќе ја донесат експертите откако ќе се направи целосна анализа