ТРАМП ПРЕДУПРЕДИ, НАТО ДЕЛУВА – Епската битка за Ормускиот теснец започнува
НАТО и сојузниците се подготвуваат за акција за деблокирање на Ормускиот теснец.
Генералниот секретар на НАТО, Марк Руте, соопшти дека членките на алијансата, заедно со сојузници како Јужна Кореја и Јапонија, се подготвуваат за заедничка операција за враќање на пловидбата низ Ормускиот теснец, кој Иран во моментов ефикасно го блокира.
Во интервју за „Фокс њуз“, Руте откри дека се формира коалиција од 22 земји, меѓу кои повеќето се членки на НАТО, но и други како Јужна Кореја, Јапонија, Австралија, Нов Зеланд, Обединетите Арапски Емирати и Бахреин. Целта на коалицијата е да ја спроведе визијата на американскиот претседател Доналд Трамп за слободен и отворен Ормуски теснец.
„Штом дојде вистинското време, ќе преземеме акција“, истакна Руте.
Во интервју за „Си-Би-Ес“, тој објасни дека земјите учеснички засега работат на три клучни прашања: „Што ни треба, кога ни треба и каде ни треба?“. Неговите изјави покажуваат дека НАТО веќе се координира со партнерите во Европа, Азија и Блискиот Исток како одговор на повиците на САД за активност.
Мобилизацијата следува по критиките од Вашингтон. Трамп минатата недела го критикуваше НАТО за пасивност кон Иран, нарекувајќи ја Алијансата „хартиен тигар“ без САД. Тој истакна дека сојузниците „не сакале да учествуваат во борбата за запирање на нуклеарно вооружен Иран“ и ги нарече „кукавици“, предупредувајќи:
„Ќе го запомниме тоа“.
Руте нагласи дека разговарал со Трамп повеќе пати во последните денови и предупреди дека, поучени од искуството со Северна Кореја, САД и сојузниците можеби немаат друг избор освен да ги напуштат нуклеарните преговори со Иран и да разгледаат превентивен удар.
„Како што видовме со Северна Кореја, ако преговарате предолго, би можеле да го пропуштите моментот кога сè уште можете да го решите проблемот. Северна Кореја сега располага со нуклеарен капацитет“, истакна Руте.
На крајот, тој предупреди дека развивањето на нуклеарно оружје од страна на Иран, заедно со постојните балистички способности, би претставувало „директна и егзистенцијална закана за стабилноста на Израел, регионот, Европа и целиот свет“.
