ТРАМП ПОТВРДИ: Ракетите „Патриот“ веќе се испраќаат кон Украина

Американскиот претседател Доналд Трамп потврди дека ракетите за системот „Патриот“, наменети за Украина, се веќе на пат.

„Тие се внесуваат од Германија, а потоа Германија ги надополнува залихите. САД добиваат целосна исплата“, изјави Трамп од базата „Ендрус“ во Мериленд.

Испораката доаѓа во време на засилени руски напади и зголемени украински барања за воздушна одбрана.

Трамп додаде дека новите испораки се дел од договор со НАТО и ЕУ, и повтори дека не разговарал со Путин по новите американски санкции.

„Разочаран сум од Путин“, рече Трамп, алудирајќи дека мировен договор не е на повидок.