ТРАМП КАТЕГОРИЧНО – Нема да испратам Курди да го нападнат Иран

Иако во последните денови се шпекулираше дека Курдите можеби ќе извршат копнен напад врз Иран, американскиот претседател Доналд Трамп ја отфрли таа можност. Категорично најавува дека нема да испрати Курди во Иран.

„Јас го исклучив тоа. Не сакам Курдите да бидат повредени или убиени. Имавме добри односи. Тие се подготвени да влезат, но им реков дека не сакам да го направат тоа“, изјави Трамп пред новинарите на авионот „Ер Форс Уан“.

Тој додаде дека Вашингтон „не сака да ја направи војната покомплицирана отколку што веќе е“.

За потсетување, многу ирански Курди живеат во соседен Ирак поради систематски прогон во својата татковина. Некои од нив гледаат можност за промена на власта во Иран како начин да обезбедат поголема заштита и слободи.