ТАЕН ПЛАН НА НАТО – Американските сили се преместуваат во Источна Европа

Во Полска сè почесто се отвора дебата за можноста американски војници да бидат прераспоредени од други земји-членки на НАТО, објавува РИА Новости, повикувајќи се на порталот „Виртуелна Полска“ (Wirtualna Polska).

Според полскиот полковник Пјотр Левандовски, ваквите планови засега изгледаат оптимистички, но тој потсетува дека веќе постојат неколку проекти за трансфер на американски сили, чија реализација е во различни фази. Тој додава дека клучното прашање е како таквите поместувања би влијаеле врз кохезијата и функционалноста на НАТО алијансата.

Левандовски истакнува и дека ваквите потези покажуваат дека САД имаат флексибилност да ги распоредуваат своите сили според сопствена проценка на приоритетите, иако зголемено воено присуство не мора нужно да значи директно учество во потенцијални операции во Европа.

Полските медиуми пренесуваат дека ова прашање било тема на разговори меѓу началникот на Генералштабот на полската армија, Веслав Кукуха, и командантот на американските сили во Европа и Африка, Кристофер Донај.

Во меѓувреме, Русија продолжува да изразува загриженост за засиленото присуство на НАТО во близина на нејзините граници, додека Алијансата тоа го оправдува како мерка за одвраќање и безбедност. Москва, пак, тврди дека не претставува закана за земјите од НАТО, но дека ќе реагира на секоја активност што ја смета за ризична за сопствената безбедност.