SPOTIFY ЈА СТАРТУВА „LOSSLESS“ МУЗИКАТА – Бесплатно за Premium корисници, но со одредени услови

Spotify официјално потврди дека започна со воведување на lossless квалитет на звук, овозможувајќи им на корисниците да слушаат музика во 24-битен/44,1 kHz FLAC формат, без дополнителни трошоци за Premium претплатниците.

За да се ужива во овој висококвалитетен аудио доживувај, потребна е жична врска – преку слушалки или уреди со Spotify Connect. Поддржани се уреди од Sony, Samsung, Bose, Sennheiser, а наскоро и Sonos и Amazon. Bluetooth не е поддржан, бидејќи не нуди доволен пропусен опсег за lossless аудио.

Spotify препорачува користење на Wi-Fi и жични конекции за оптимално искуство. Оваа нова опција е дел од долгоочекуваниот додаток „Spotify HiFi“, првично најавен во 2021 година, но никогаш претходно официјално пуштен.

Иако новиот lossless формат не достигнува HiRes ниво како кај Tidal (до 24-бит/192 kHz), сепак претставува значително подобрување за корисниците кои бараат поквалитетен звук – и тоа без дополнителни месечни трошоци.