СПЕЦИЈАЛНИОТ ПРАТЕНИК НА ТРАМП ВО КИEВ: САД и Украина со нови разговори за безбедност и санкции против Русија

Специјалниот пратеник на американскиот претседател Доналд Трамп за Украина, Кит Келог, денеска пристигна во Киев за разговори за безбедноста, санкциите против Русија и воената поддршка. Информацијата ја потврди шефот на украинската претседателска администрација, Андриј Јермак.

„Одбрана, оружје, санкции, заштита на луѓето – има многу теми за дискусија“, напиша Јермак на Телеграм. Келог ќе се сретне и со раководители на украинските безбедносни и разузнавачки служби.

Претседателот Зеленски најави дека американската делегација ќе добие детали за руските воени капацитети и украинските планови. Според него, целта е САД целосно да разберат како да се изврши притисок врз Русија за мир.

Претходно, Трамп најави испраќање на ракетни системи „Патриот“ во Украина поради зголемените руски напади.