СОСТОЈБА НА ПАТИШТАТА Сообраќајот се одвива нормално, без застои на граничните премини

Според информациите од АМСМ, сообраќајот на државните патишта се одвива непречено, по суви коловози. Интензитетот на сообраќај надвор од градските средини е умерен, а на граничните премини од македонска страна нема подолги задржувања за влез и излез од државата.

Возачите се повикуваат на зголемена внимателност, прилагодена брзина и строго почитување на сообраќајната сигнализација, особено на патиштата низ котлините, речните долини и клисурите каде што постои опасност од појава на одрони. Критични делници се: Катланово – Велес, Маврово – Дебар – Струга, Виница – Берово и Кочани – Делчево.