ВРЕМЕТО ДЕНЕС СО СОНЧЕВИ ПЕРИОДИ И ПОЛАДНЕВНИ ВРНЕЖИ – Нестабилно време низ државата

Денеска (11.05) времето во земјава ќе биде променливо облачно со сончеви интервали, информираат од Управата за хидрометеорологија. Попладневните и вечерните часови ќе донесат нестабилност на повеќе места, проследена со пороен дожд и грмежи. Ќе дува слаб до умерен ветер од западен и југозападен правец.

Температурите ќе се движат во интервал од 17 до 25 степени Целзиусови.

И во Скопје времето ќе биде променливо облачно со повремени сончеви периоди. Во попладневните часови, во делови од котлината се очекува појава на нестабилна облачност со услови за краткотраен пороен дожд и грмежи. Ќе дува слаб до умерен ветер од југозападен правец, а максималната температура ќе достигне до 25 степени.