СИТУАЦИЈАТА СО ПОЖАРИТЕ ВО ГРЦИЈА ПОДОБРЕНА Уште активни на Пелопонез

Ситуацијата со пожарите во Грција бележи подобрување, откако противпожарните сили успешно се справија со многу од активните жаришта. Ова утро, портпаролот на противпожарната служба на Грција, Василис Ватракојанис, потврди дека пожарите во регионот Ахаија на Пелопонез и на островот Хиос остануваат активни.

Според Ватракојанис, на островот Закинтос и во околината на Превеза во западна Грција, „во моментов нема активен фронт“. Противпожарните служби сега се фокусираат на расфрлани жаришта и продолжуваат да користат воздушни средства за интервенција. Сепак, пожарите во Ахаија и на Хиос се во непристапни области, што дополнително ја комплицира ситуацијата.

„Се очекува и да биде многу тежок, бидејќи за повеќето региони во земјата е предвиден многу висок ризик од пожари“, истакна Ватракојанис. Тој упати силна препорака за избегнување на активности што би можеле да предизвикаат пожар. Противпожарната служба и сите сили на цивилната заштита остануваат во состојба на целосна готовност, подготвени да реагираат на сите предизвици.