СИЛНО ПАРТНЕРСТВО И ДОВЕРБА – Македонија како кредибилен сојузник

Премиерот Христијан Мицкоски оствари средба со генералниот секретар на НАТО, Марк Руте, на која била потврдена цврстата определба на земјата за натамошно продлабочување на соработката со Алијансата и за активен придонес кон регионалната и глобалната безбедност.

Во објава на Фејсбук по состанокот, Мицкоски информираше дека разговорите биле посветени на актуелните безбедносни предизвици, улогата на Алијансата во зачувувањето на стабилноста и мирот, како и на учеството на државата во системот на колективна одбрана.

Тој нагласи дека средбата претставува потврда за силното партнерство и меѓусебната доверба, како и за заложбата земјата да продолжи да дејствува како кредибилен и одговорен сојузник во рамките на НАТО.