ШОК ЗА РЕАЛ МАДРИД Мбапе повреден и пропушта важни натпревари!

Килијан Мбапе, ѕвездата на Реал Мадрид, е повреден, а оваа вест денеска беше потврдена од клубот. Според различни извори, Мбапе претрпе повреда на лигаментите на коленото, но среќа во несреќа е тоа што повредата не е сериозна. Очекува се да биде надвор од терените околу три недели, што значи дека ќе пропушти најмалку четири натпревари.

Меѓу натпреварите кои ќе ги пропушти е и важниот дуел со Бетис на „Сантијаго Бернабеу“. Исто така, тој нема да учествува во Суперкупот на Шпанија, каде Реал ќе се соочи со Атлетико Мадрид на 8 јануари, а постои можност и да не игра во финалето против Барселона или Атлетик Билбао. По враќањето од Саудиска Арабија, Реал ќе се соочи со Леванте на 17 јануари, а потоа и со Монако на 20 во Лигата на шампионите.

Најоптимистичкото сценарио е Мбапе да биде подготвен за тешкото гостување кај Виљареал на 25 јануари. Како главен играч и голгетер на Реал, неговото отсуство ќе биде значаен удар за тимот на Чаби Алонсо. Оваа сезона, Мбапе има 24 настапи, постигнати 29 голови и направени пет асистенции. Во негово отсуство, нападот на Реал ќе биде предводен од бразилското дуо Винисиус Жуниор и Родриго, заедно со младиот Гонзало Гарсија.