СЕЗОНАТА НА ОСКАРИ ВЛЕГУВА ВО КЛУЧНА ФАЗА – Фаворитите сè уште нејасни
Глобусите ги раздвижија прогнозите, но гласањето останува отворено и неизвесно
Сезоната на гласање за Оскари е во полн ек, но сè уште нема јасна слика околу филмовите и актерските изведби што ќе ја предводат трката за престижните награди. Тимот на Variety Awards Circuit Podcast Roundtable коментираше за исходите од Golden Globes, колку тие навистина влијаат врз гласањето и кои можни изненадувања или игнорирања би можеле да се појават кај номинациите.
На годинешните Golden Globes, филмот “One Battle After Another” доминираше со четири признанија, вклучувајќи и награда за најдобар филм – комедија/мјузикл. “Hamnet“ на Клои Жао триумфираше во категоријата најдобра драма, додека “Sinners“ на Рајан Куглер победи во секцијата кино и бокс-офис достигнувања.
Меѓу најголемите изненадувања се издвојуваат победите на Мишел Вилијамс за “Dying for Sex“ и Тејана Тејлор како најдобра споредна актерка за “One Battle After Another“.
Во дискусијата се потенцира дека категориите за женски награди особено за споредни улоги, годинава се исклучително „подвижни“. Споменати се силни шанси за Аријана Гранде (“Wicked: For Good“), а како можни фаворитки за главна женска улога се наведуваат Ема Стоун (“Bugonia“) и Кејт Хадсон (“Song Sung Blue“).
Најистакнати кандидати во трката за најдобар филм се “F1” (Apple TV+) – високо оценет и со силна поддршка од еснафските здруженија и “Sinners” со посебен фокус на снимателката Autumn Durald Arkapaw, која според критичарите може да влезе во историјата со својата номинација.
Можни неочекувани номинации се Шминка и фризура “Marty Supreme“ поради импресивните детали како акни и унибрава и Документарец потенцијална прва номинација за Били Џоел со “Billy Joel Should be Dead“
Номинациите за Оскар ќе се објават 22 јануари, а церемонијата ќе се одржи 15 март 2026.
Поткастот Variety Awards Circuit, со водителите Клејтон Дејвис, Џаз Тангкеј, Емили Лонгерета, Џенел Рајли и Мајкл Шнајдер, останува клучен извор за динамични разговори за филм и телевизија, интервјуа со актери и автори, како и детални анализи на наградната сезона.
