СЕМЕЈНИОТ КОНФЛИКТ НА БЕКАМОВИ – Синот Бруклин бара комуникација со родителите само преку адвокат

Дејвид и Викторија Бекам долго време се обидуваат да го надминат конфликтот со нивниот син Бруклин и неговата сопруга Никола, но, според извор близок до семејството, тие инсистираат на комуникација исклучиво преку адвокат. Изворот за „Пипл“ изјави дека Дејвид и Викторија „постојано ги замолувале Бруклин и Никола да се сретнат и да разговараат за тоа како да продолжат понатаму“.

„Дејвид ги обожава своите деца. Тие се сè за него“, додава изворот, мислејќи на Бруклин (26), Ромео (23), Круз (20) и Харпер (14).

Според повеќе извори, Дејвид и Викторија со години се обидуваат да го подобрат односот со Бруклин и Никола (31), која се омажи за него во 2022 година. Конфликтот, наводно, започнал поради несогласувања околу венчаницата на Никола.

Бруклин и Никола биле поканети на сите семејни настани, приватни и јавни, вклучувајќи ја и церемонијата на доделување на витешката титула на Дејвид од кралот Чарлс на 4 ноември за неговиот придонес во спортот и хуманитарната работа.

Претставниците на Бруклин не коментираа, а оние на Дејвид и Викторија не одговорија веднаш на прашањата од медиумите.

Британскиот „Сан“ на 8 јануари објави дека Бруклин испратил правно известување до своите родители, со кое им се наложува комуникација само преку адвокат и им забранува да го тагираат на социјалните мрежи. Според истиот извор, Викторија го прекршила ова барање со лајкнување на објава на Инстаграм, по што Бруклин ги блокирал родителите.

Од декември, Дејвид, Викторија, Бруклин и Никола престанаа да се следат на Инстаграм, а Бруклин и Никола исто така престанаа да ги следат Ромео и Круз. Круз се огласи на Инстаграм и рече дека неговите родители „никогаш нема да престанат да го следат својот син“ и дека се разбудил блокиран, исто како него.

Бруклин и Никола го поминаа Божиќ одвоено од семејството Бекам. На 26 декември, Никола објави фотографии со Бруклин и нејзините родители, Нелсон Пелц и Клаудија Хефнер Пелц, со пораката:

„Ви посакувам на сите среќен Божиќ и среќна Нова Година исполнета со љубов, мир и среќа“.

На новогодишната ноќ, Дејвид објави осврт на своите омилени моменти од 2025 година, каде Бруклин не беше присутен, додека Ромео, Круз и Харпер беа. Сепак, подоцна Дејвид сподели фотографии со својот најстар син на Инстаграм стори.