СЕДИТЕ ЦЕЛ ДЕН – Ова може да биде полошо од пушење

Седечкиот начин на живот е тивок, но сериозен непријател на срцето и многу поопасен отколку што повеќето луѓе претпоставуваат. Иако многумина се обидуваат да се хранат поздраво и да го намалат стресот, често ја занемаруваат наједноставната, но клучна навика: редовното движење.

Вашето срце работи непрекинато, 24 часа на ден, но за да остане здраво, му е потребна ваша поддршка. Добрата вест е дека не се потребни драстични промени и малите, секојдневни чекори можат да направат огромна разлика.

Еве неколку важни вистини што вреди да ги имате предвид. Не е доволно само да не пушите. Ако не се движите доволно, ризикот за срцето значително се зголемува. Физичката активност и правилната исхрана се основата на добро кардиоваскуларно здравје. Еден тренинг дневно не може целосно да го надомести долготрајното седење. Затоа е важно  да станувате на секои 30-60 минути, да се движите по оброците и да користите скали наместо лифт.

Со ширина од само неколку милиметри, артериите лесно се оштетуваат од масна исхрана, висок холестерол и нездрав начин на живот. Дури и делумно затнување може да има сериозни последици.

Високиот крвен притисок е голем проблем и често нема симптоми, но ризикот расте со возраста. Единствен начин за контрола е редовно мерење.

И покрај напредокот во медицината, срцевите заболувања се водечка причина за смрт и остануваат сериозна закана. Но, голем дел од ризикот може да се намали со здрави навики.

Уште денес може да направите за вашето здравје многу доколку движете се секојдневно, намалете го времето поминато во седење, јадете балансирана храна, следете го крвниот притисок и холестеролот и најдете начин да го намалите стресот.

Запомнете дека не се работи за совршенство, туку за континуитет. Малите промени, кога се прават редовно, водат до големи резултати.