САД НАПАЃААТ, НО НАФТАТА ОПСТОЈУВА – Венецуела без удар врз бунарите

Нафтените бунари и рафинериите во Венецуела продолжуваат да работат нормално и не претрпеле оштетувања во американските напади, изјавија два извори запознаени со состојбата во државната енергетска компанија PDVSA.

Сепак, пристаништето Ла Гваира, кое се наоѓа во близина на Каракас и е едно од најголемите во земјата, претрпело значителна штета. Иако не се користи за извоз на нафта, неговото оштетување дополнително ја усложнува логистичката состојба во земјата, наведуваат изворите.

Во декември 2025 година, по наредба на тогашниот американски претседател Доналд Трамп, беше воведена блокада на танкерите што влегуваат и излегуваат од Венецуела, при што беа запленети и два танкери со сурова нафта.

Овие мерки ги принудија сопствениците на бродови да ги избегнуваат венецуелските води, што резултираше со акумулација на големи количини сурова нафта и гориво во магацините на PDVSA.

Дополнителен проблем претставува фактот што ИТ-системот на компанијата сè уште не е целосно обновен по кибернападот извршен во декември минатата година. Поради тоа, терминалите и нафтените полиња останаа изолирани од централниот систем, а PDVSA беше принудена да премине на рачен режим на работа за да го одржи производството.