РУТЕ ВО ОФИЦИЈАЛНА ПОСЕТА – Средби со македонската власт и обраќање пред Собранието

Претседателката Гордана Сиљановска-Давкова утре ќе го пречека генералниот секретар на НАТО, Марк Руте, со највисоки државни и воени почести, за време на неговата официјална посета на земјата.

По церемонијалниот пречек ќе следува тет-а-тет средба, а потоа и пленарен состанок меѓу македонската делегација и делегацијата на НАТО.

Генералниот секретар Руте ќе оствари и средби со премиерот Христијан Мицкоски и со претседателот на Собранието, Африм Гаши, по што ќе се обрати пред пратениците во законодавниот дом.

Според официјалното соопштение, генералниот секретар ќе ја посети и касарната „Илинден“.