РУСИЈА ДАВА 1 МИЛИЈАРДА ДОЛАРИ ЗА МИРОВНИОТ СОВЕТ НА ТРАМП – САД без официјален став
Песков вели дека Кремљ сè уште нема добиено официјална реакција од Вашингтон за предлогот за префрлање на 1 милијарда долари замрзнати средства
Москва сè уште нема официјална информација за ставот на Вашингтон во врска со руската иницијатива за префрлање на 1 милијарда долари од средствата замрзнати во САД на Мировниот совет, изјави портпаролот на Кремљ, Дмитриј Песков.
„Досега не сме слушнале никаква јавна реакција на ова прашање“, рече Песков.
Тој додаде дека Кремљ сепак забележал дека американскиот претседател Доналд Трамп ја оценил иницијативата како „интересна идеја“.
„Тоа, секако, отвора нови хоризонти за соработка“, нагласи Песков.
Претходно, рускиот претседател Владимир Путин изјави дека Москва е подготвена да префрли 1 милијарда долари од претходно замрзнатите средства на Мировниот совет – тело формирано на иницијатива на претседателот Трамп, со цел обнова на Појасот Газа и придонес кон решавање на палестинското прашање.