АУКЦИЈА ВО ЖЕНЕВА Редок син дијамант продаден за 19,2 милиони евра
Реткиот дијамант наречен „Медитеранско син“ со тежина од 10,03 карати е продаден за 19,2 милиони евра на аукција организирана од „Сотби’с“ во Швајцарија.
Иако цената ја надмина првичната проценка од 20 милиони долари (17,8 милиони евра), експертите ја оценуваат продажбата како помалку импресивна од очекуваното.
„Несигурноста на глобалниот пазар, особено трговските тензии меѓу САД и Кина, можеби влијаеја на довербата на купувачите“, изјави Тобијас Корминд од „77 Diamonds“.
Дијамантот е ископан во Јужна Африка и се смета за еден од најретките сини дијаманти досега понудени на пазарот.
CATEGORIES Магазин