РЕАЛ ГО УНИШТИ АТЛЕТИКО ВО ЛУДО ДЕРБИ – Еврогол и црвен картон одлучија

Реал Мадрид го победи Атлетико со 3-2 и се доближи на четири поени од Барселона. Градското дерби на „Сантијаго Бернабе“ понуди вистинска фудбалска драма со пет гола, пенал и црвен картон, а на крајот „кралевите“ излегоа како победници.

Адемола Лукман во 33-тата минута најдобро се снајде во противничкиот шеснаесетник и донесе водство за Атлетико од 0-1, резултат кој остана непроменет до крајот на првиот дел.

Во 52-рата минута Реал Мадрид доби пенал, а Винисиус беше прецизен за израмнување. Само четири минути подоцна Феде Валверде погоди за комплетен пресврт.

Најубавиот момент на мечот следеше во 66-тата минута, кога Нахуел Молина со силен удар од преку 20 метри успеа да го совлада Лунин и да израмни на 2-2.

Сепак, радоста за „јорганџиите“ траеше кратко, бидејќи Винисиус во 72-рата минута постигна еврогол за конечни 3-2 во корист на Реал Мадрид.

До крајот на натпреварот „кралевите“ останаа со играч помалку, откако Феде Валверде заработи директен црвен картон.