РАФА БЕНИТЕЗ ВО ПАНАТИНАИКОС Рекордна плата и нова фудбалска авантура!

По неколку дена шпекулации, конечно пристигна официјалната потврда – Рафе Бенитез е новиот тренер на Панатинаикос. Овој грчки клуб веќе некое време најавуваше значаен трансфер, а денеска беше потврдено дека Бенитез ќе го предводи тимот. Шпанскиот стратег пристигна во Атина во четвртокот, а веќе во петокот беше објавено дека потпишал двегодишен договор со клубот.

Бенитез, познат по своите успеси со Ливерпул, сега е најплатениот тренер во историјата на грчкиот фудбал. За време на неговиот ангажман, Панатинаикос ќе вложи четири милиони евра. Оваа ситуација е особено интересна, особено ако се земе предвид неговата кариера, која во последно време не беше во подем. Последната работа на Бенитез беше во Селта, каде што беше отпуштен во март, оставајќи го клубот само два бода над зоната за испаѓање.

Панатинаикос е 17. клуб кој Бенитез ќе го води како тренер. Неговите најголеми успеси доаѓаат од времето поминато во Ливерпул и Валенсија, а трофеи освои и со Интер, Челси, Наполи и Њукасл. Сега, со нова шанса во Грција, Бенитез се надева на повторно враќање на фудбалските височини.