ПРВООСОМНИЧЕНИОТ ЗА НАПАДОТ НА ДАНЕЛА АРСОВСКА ВО КУЌЕН ПРИТВОР – Обвинителството ќе поднесе жалба
Основниот кривичен суд Скопје му одреди мерка куќен притвор на првоосомничениот во случајот со неодамнешниот напад врз градоначалничката на Скопје, Данела Арсовска.
Според судската одлука, наместо ефективен притвор, осомничениот ќе ја издржува мерката во домашни услови, што предизвика незадоволство кај обвинителството. Надлежниот обвинител најави жалба на решението, наведувајќи дека постојат реални ризици кои ја оправдуваат потребата од построга мерка – конкретно, опасноста од повторување на делото и можноста за бегство на осомничениот.
Во однос на второосомничениот во случајот, судот прифати поблаги мерки на претпазливост. Тој доби забрана за приближување и контакт со градоначалничката, забрана за напуштање на своето живеалиште, како и мерки што вклучуваат одземање на патната исправа и обврска за редовно јавување пред надлежните органи.
Нападот врз градоначалничката Арсовска предизвика бурни реакции во јавноста и ја покрена темата за безбедноста на носителите на јавни функции. Очекувањата се дека Апелациониот суд во најкус можен рок ќе се изјасни по жалбата на обвинителството.
