ПРОДОЛЖУВА СУДЕЊЕТО ЗА „ПУЛС“ Денес ќе бидат сослушани сведоци оредложени од ЈО

Со сослушување сведоци предложени од Јавното обвинителство денеска во судницата во „Идризово“ продолжува судењето за пожарот во дискотеката „Пулс“ во Кочани, во кој загинаа 63 лица, а над 200 беа повредени.

Случајот го води судијката Дијана Груевска-Илиевски и се наоѓа во доказна постапка, а на денешното рочиште треба да бидат сослушани пет сведоци.

Пожарот во дискотеката „Пулс“ избувна на 16 март 2025 година за време на настап на групата ДНК и претставува една од најтешките трагедии во поновата историја на земјата. Случајот го застапува тим од 15 јавни обвинители.