„ПРИКАЗНАТА ЗА СИЛЈАН“ ВО ТРКА ЗА ОСКАР Ќе се натпреварува во три категории

Академијата за филмска уметност и наука ја објави листата на филмови квалификувани за Оскар 2026 во категориите документарен, меѓународен и анимиран филм. Македонскиот филм „The Tale of Silyan“ на Тамара Котевска е поднесен во конкуренција за меѓународен Оскар, во која учествуваат 86 држави.

Конкуренцијата е силна, со истакнати кандидати од Норвешка, Бразил, Јужна Кореја, Шпанија и Франција, како и носители на големи европски награди, вклучувајќи го „It Was Just an Accident“, добитник на Златна палма. Во документарната категорија се квалификуваа 201 филм, меѓу кои многу поддржани од големи студија и платформи како Netflix, Apple и HBO.