ПРЕТСЕДАТЕЛОТ ТРАМП – Да не се појавев, НАТО ќе беше во корпата за ѓубре

Американскиот претседател Доналд Трамп денес изјави дека „ниту една личност, ниту еден претседател“ никогаш не направил повеќе за НАТО од него.

„Да не се појавев, сега немаше да има НАТО! Ќе беше фрлен во корпата за ѓубре на историјата. Тажно, но вистинито“, напиша Трамп на својата платформа Truth Social.

Во саботата, Трамп се закани дека ќе воведе царина од 10% на стоки од Велика Британија, Норвешка и шест земји од ЕУ кои учествуваат во арктичките воени вежби во Гренланд од 1 февруари. Царината ќе важи додека не се постигне договор за потенцијалната куповина на Гренланд од страна на САД.

Данската премиерка Мете Фредериксен предупреди дека евентуална интервенција на САД за преземање на Гренланд би значела крај на НАТО, бидејќи Данска и европските земји вклучени во вежбите се членки на Алијансата.