ПРЕТСЕДАТЕЛОТ ОДЛУЧУВА ЗА ПОМИЛУВАЊЕ Министерството за правда само доставува извештај

Министерството за правда во иднина нема да има право да дава мислење за тоа дали одреден осуденик треба да се помилува. Одлуката ќе остане во рацете на претседателот на државата.

Ова е една од клучните новини во предлог-законот за помилување, кој наскоро ќе биде ставен на увид на јавноста.

Новиот закон за помилување предвидува министерството за правда само ќе доставува извештај до претседателот. Претседателот ќе може да помилува само за казна, а не за кривично гонење. Законот детално ги регулира постапките и воведува кратки рокови за одлуки.