ПРЕКИНАТ СООБРАЌАЈОТ НА КЛУЧКАТА ХИПОДРОМ Причината е излетано товарно возило

Сообраќајот на патниот правец Скопје – Куманово, на клучката Хиподром (обиколница Скопје) кон Куманово, е во прекин од утрово во 9 часот.

Според информациите од Автомото сојузот на Македонија (АМСМ), причината за прекинот е излетано товарно моторно возило (ТМВ) кое го оневозможува нормалното одвивање на сообраќајот на овој дел од патот.

Надлежните служби се на терен и работат на расчистување и нормализирање на сообраќајот.