ПРЕГОВОРИТЕ СО ИРАН СЕ ТЕШКИ – Најдобро е да го смениме режимот во Иран

Американскиот претседател Доналд Трамп денес ја поддржа идејата за промена на режимот во Иран, изјавувајќи дека „се чини дека тоа би било најдоброто нешто што можело да се случи“.

Трамп им рече на американските војници дека преговорите со Иран за неговата нуклеарна програма се тешки и можеби ќе биде потребно да се врши силен притисок врз Техеран за мирно решавање на конфликтот, пренесува Ројтерс.

„Тешко беше да се постигне договор“, рече Трамп пред група активни војници во базата Форт Браг во Северна Каролина, откако САД објавија дека испраќаат втор носач на авиони на Блискиот Исток како притисок во преговорите.

Тој нагласи дека понекогаш е потребно да се покаже сила и решителност, бидејќи тоа е единствениот начин ситуацијата да се реши.

Претседателот ги спомена и бомбардирањата на иранските нуклеарни објекти минатиот јуни и додаде дека испраќањето на дополнителен носач на авиони е дел од подготвеноста да се дејствува ако преговорите со Иран не успеат.

И покрај тоа што во Оман се одржале разговори меѓу американски и ирански претставници, датумот и местото на следната рунда преговори сè уште не се објавени.

Базата Форт Браг е дом на околу 50.000 активни војници.