ПОСКАПЕА ГОРИВАТА Ова се најновите цени

Од ноќеска на полноќ поскапеа горивата. Бензините се зголемија за половина денар по литар, а дизелот ЕУРОДИЗЕЛ БС (Д-Е V) поскапе за еден денар, соопшти Регулаторната комисија за енергетика (РКЕ). Просечното зголемување на малопродажните цени изнесува 1,03 отсто.

Новите цени се:

• ЕУРОСУПЕР БС–95: 74 денари/литар
• ЕУРОСУПЕР БС–98: 76 денари/литар
• ЕУРОДИЗЕЛ БС (Д-Е V): 71 денар/литар
• ЕЛ-1: останува 69,5 денари/литар
• Мазут М-1 НС: 36,913 денари/кг

Според РКЕ, зголемувањето е резултат на раст на референтните цени на светските пазари – бензините поскапеле за 2,8%, дизелот за 2,3%, а мазутот за 3,4%, додека кај екстра лесното масло има мало намалување.