ПОРАНЕШЕН ФУДБАЛЕР НА ЈУВЕНТУС СЕ СЕЛИ ВО БИХ Пјаца на чекор од ФК Сараево

ФК Сараево покажува голем интерес за ангажман на поранешниот фудбалер на Јувентус и Динамо Загреб, Марко Пјаца, кој има 30 години. Според информациите објавени од 24сата, „Пјаца би можел наредната сезона да го облече дресот на Сараево! Вчера примивме оваа вест од доверлив извор од БиХ, а потоа истата информација ни ја потврдија уште две-три сигурни извори.“

Пјаца, кој минатата сезона настапуваше за Динамо, има и понуди од клубови во Турција и Саудиска Арабија. Во текот на изминатата сезона, тој одигра 42 натпревари, постигнувајќи девет голови и исто толку асистенции. Неговиот фудбалски пат вклучува клубови како Ријека, Емполи, Торино, Џенова, Андерлехт, Фиорентина, Шалке и Локомотива.

Сараево, под водство на новиот спортски директор Крсте Велкоски, има амбициозен план за создавање на моќен тим со цел освојување на шампионската титула во БиХ. Откако Велкоски беше назначен, клубот веќе ангажираше неколку значајни играчи, вклучувајќи ги Адем Љајиќ, Гојк Цимрот, Стефан Ристовски, Михаел Млинариќ и Агон Елези. Велкоски не запира со засилувањата и изгледа дека Пјаца би можел да биде следниот важен додаток во составот.