ПОЧИНА КОЛУМБИСКАТА ПЕЈАЧКА МАЈЕРЛИ ДИЈАЗ Добила сериозни компликации откако направила естетска операција

Колумбиската пејачка Мајерли Дијаз почина по хоспитализација во Богота, откако добила сериозни компликации по процедура во козметичка клиника. Не е познато за каква интервенција станува збор, но властите покренаа истрага.

Мајерли кариерата ја започнала на 14 години и била позната по хитови како „La Gata de mi Hermana“ и „No Supiste Perder“. Зад себе остави две деца, на 11 и 13 години. Менаџерот се прости од неа со трогателна изјава, а нејзините обожаватели бараат да се утврдат причините за трагедијата. Само две недели пред смртта ја објави својата последна песна на Инстаграм.