ПОЧЕТОК НА КРАЈОТ Путин и Виткоф разговарале за директни преговори меѓу Русија и Украина
Ушаков истакна дека разговорите придонеле за приближување на позициите на двете земји, не само во однос на украинската криза, туку и во поширокиот контекст на меѓународните прашања.
Во Кремљ денеска се одржа значајна средба меѓу претседателот на Руската Федерација, Владимир Путин, и специјалниот американски пратеник, Стив Виткоф, која траеше речиси три часа. Според изјавата на советникот на Путин, Јуриј Ушаков, разговорите се фокусирале на потенцијалниот почеток на директни преговори меѓу Русија и Украина.
„На средбата меѓу претседателот Путин и Виткоф се зборуваше за можноста за почеток на директни разговори меѓу Русија и Украина“, изјави Ушаков, додавајќи дека дијалогот бил продуктивен и отворил нови патишта за соработка меѓу Москва и Вашингтон.
Ушаков истакна дека разговорите придонеле за приближување на позициите на двете земји, не само во однос на украинската криза, туку и во поширокиот контекст на меѓународните прашања.
„Продуктивниот дијалог меѓу Русија и САД ќе продолжи да се одвива во најактивниот режим“, нагласи тој.
Иако конкретни детали од разговорите не се обелоденети, сигналите од Кремљ укажуваат на можен дипломатски пресврт кој би можел да отвори ново поглавје во односите меѓу Русија, САД и Украина.
