ПО ОСТАВКАТА НА ДИМИТРОВСКА – Изборот на наследник по изборите

По оставката на претседателката на Државната комисија за спречување на корупција (ДКСК), Татјана Димитровска, Комисијата за прашања на изборите и именувањата формираше комисија за селекција на кандидати за нејзин наследник. Сепак, одлучено е овој процес да биде ставен во мирување и да продолжи по локалните избори на 3 ноември.

ДКСК претходно соопшти дека нема надлежност да оцени дали изборот на нов претседател е итен. Претседателот на собраниската комисија, Ѓорѓија Сајкоски, потврди дека нема да има автентично толкување на Изборниот законик и дека изборот ќе се одложи.

Во комисијата за селекција членуваат:

• Илбер Руфати, заменик народен правобранител

• Дарко Аврамовски, член на Советот за соработка меѓу Владата и граѓанското општество

• Балдри Јашари, член на истиот совет

• Бојан Стојановски (ВМРО-ДПМНЕ)

• Саранда Имери-Стафаи (коалиција „Вреди“)

• Митко Трајчулески (СДСМ)

• Арбана Пашоли (ДУИ)