ПО ИЗЈАВИТЕ НА КЕДЕВ Државата проверува дали приватни клиники правеле непотребни операции

Формирана е стручна комисија која ќе изготви прелиминарна анализа на кардиолошките и кардиохируршките интервенции во јавните и приватните здравствени установи, со посебен акцент на периодот од 2022 до 2025 година.

Во комисијата членуваат:

• Д-р Васил Папестиeв – Клиника за кардиохирургија

• Д-р Билјана Зафировска

• Д-р Иван Василев – Клиника за кардиологија

• Д-р Мишел Андонов

• Д-р Илир Вела – Клиника за торакална и васкуларна хирургија

• Д-р Ненси Лозанче – Клиничка болница Битола

• Д-р Валон Асани – Клиничка болница Тетово

• Д-р Никола Христов – Клиника „Жан Митрев“

• Д-р Жарко Христовски – „Аџибадем Систина“

• Д-р Ана Митевска и Д-р Жаклина Крстевска – ФЗОМ

• Д-р Александар Митов, Стојанчо Стојковски, Бахар Љама и Стефанка Петковска – Министерство за здравство

Комисијата треба да ги собере и анализира сите податоци и да утврди дали имало неоправдани интервенции. Потребата за вакво тело произлезе по изјавите на кардиологот Сашко Кедев, кој тврдеше дека има докази за извршени скапи, а непотребни операции во приватни здравствени установи.