ПЕСКОВ: МОСКВА Е ПОДГОТВЕНА ЗА ПРЕГОВОРИ Украина го прекина дијалогот

Портпаролот на Кремљ, Дмитриј Песков, изјави дека телефонски разговор меѓу Владимир Путин и Доналд Трамп може да се организира во секое време, ако има потреба, но дека сè уште не е завршена потребната подготовка. Тој повтори дека Москва е подготвена за преговори за Украина и го обвини Киев за прекинот на дијалогот.

Во однос на американските медиумски извештаи за наводен план на САД, според кој Украина би требало да отстапи територии и да ја намали својата армија, Песков рече дека Русија внимателно ги следи информациите. Тој додаде дека специјалниот пратеник на Трамп, Стив Виткоф, може да ја посети Русија кога било.