ПЕКОЛНА НЕДЕЛА ПРЕД НАС – Температури до 40 степени

Од понеделник (23 јуни), под влијание на исклучително топла воздушна маса што ќе продре од Африка, во Република Македонија ќе владее вистински летен бран.

Целата следна работна седмица не очекува сончево и многу топло време, со слаба до умерена облачност и ветер од променлив правец.

Слични временски услови ќе преовладуваат и во Скопскиот регион – претежно сончево и топло со слаб до умерен ветер и слаба локална облачност.

Температурите ќе бележат значителен пораст. Максималните дневни температури ширум земјата ќе се движат меѓу 31 и 38°C, а во Повардарието, од средината на неделата, се очекува да достигнат и до 40°C. Во Скопскиот регион, исто така, се предвидуваат екстремно високи температури – од 38 до 40°C.