ОД НОЌЕСКА НАМАЛУВАЊЕ НА ЦЕНИТЕ НА БЕНЗИНИТЕ – Дизелот и екстра лесното масло без промени

Од ноќеска на полноќ, малопродажните цени на бензините ЕУРОСУПЕР БС-95 и БС-98 се намалуваат за 0,5 денари по литар, соопшти Регулаторната комисија за енергетика (РКЕ). Цените на дизелот и екстра лесното масло за домаќинство остануваат непроменети, а мазутот се намалува за 0,314 денари по килограм.

Новите цени, што стапуваат на сила од 22 јули, се следни:

• ЕУРОСУПЕР БС-95: 75,00 ден./л
• ЕУРОСУПЕР БС-98: 77,00 ден./л
• ЕУРОДИЗЕЛ (Д-Е V): 71,50 ден./л
• Екстра лесно масло (ЕЛ-1): 71,00 ден./л
• Мазут М-1 НС: 40,158 ден./кг

Намалувањето е резултат на пониските референтни цени на нафтените деривати на светските берзи и курсната разлика на денарот во однос на доларот. Од РКЕ потсетуваат дека трговците можат да ги формираат цените и под утврдените максимуми, доколку имаат можност за тоа.