ОД ДЕНЕС ВАЖАТ КВОТИТЕ ЗА РАБОТНИ ДОЗВОЛИ – 9.750 дозволи за редовно вработување на странци во 2026

Владата ја утврди квотата за издавање работни дозволи за странски државјани во 2026 година, која изнесува 10.000 дозволи.

Од вкупната бројка, најголем дел – 9.750 дозволи се предвидени за регуларно вработување на странци. Дополнително, 200 дозволи се наменети за упатени работници, а 50 за сезонски ангажмани.

Квотата опфаќа 4.500 дозволи за нови работници и 5.250 за продолжување на веќе издадени дозволи на лица кои во моментов работат во земјата.

Министерството за економија и труд ќе го следи користењето на квотата и состојбите на пазарот на трудот. Одлуката стапува во сила од 16 јануари 2026 година.