НОВ ЗАМЕНИК ДИРЕКТОР НА АНБ Владата го одобри Бесник Ферати
Се очекува неговото именување да придонесе кон успешно справување со современите безбедносни предизвици и заштита на стратешките интереси на државата, се наведува во официјалната објава.
Владата на својата последна седница го одобри назначувањето на Бесник Ферати за заменик-директор на Агенцијата за национална безбедност (АНБ), информираат медиумите на албански јазик.
Оваа одлука претставува дел од пошироките напори за зајакнување на управувачките капацитети на агенцијата, како и за обезбедување стабилност и континуитет во делувањето на безбедносниот систем.
Ферати не е ново лице во АНБ – тој поседува долгогодишно и докажано искуство во рамки на институцијата, каде извршувал повеќе одговорни функции. Неговиот придонес во развојот и имплементацијата на националните безбедносни политики се смета за значаен.
Поради својот професионализам, интегритет и длабоко познавање на безбедносните прашања, Ферати ужива висока репутација во оваа област. Неговиот четиригодишен мандат на новата функција е показател за довербата што му е укажана и очекувањата дека ќе продолжи активно да работи на унапредување на капацитетите на АНБ и на ефикасната координација со другите надлежни институции.
Се очекува неговото именување да придонесе кон успешно справување со современите безбедносни предизвици и заштита на стратешките интереси на државата, се наведува во официјалната објава.
