НЕЗАВИСНИОТ СИДИКАТ НА ПОЛИЦИЈАТА ИЗЛЕГУВА НА УЛИЦА НА 12 МАЈ Бараат минималната плата и правна еднаквост
Поводот за протестот е, како што велат од Синдикатот, непочитувањето на законските одредби за минимална плата и одолжувањето на судските постапки надвор од предвидените рокови.
Независниот синдикат на полицијата најави протестен собир кој ќе се одржи на 12 мај во 12:00 часот пред судските институции во Скопје.
Поводот за протестот е, како што велат од Синдикатот, непочитувањето на законските одредби за минимална плата и одолжувањето на судските постапки надвор од предвидените рокови.
„Бараме да се почитува Законот за минимална плата и основната плата во полицијата да биде најмалку еднаква на минималната плата во државата. Вработените во полицијата не се службеници од втор ред“, се наведува во соопштението на Синдикатот.
Од таму нагласуваат и потреба од еднаква судска пракса низ целата држава, со навремено постапување во сите случаи кои ги засегаат полициските службеници.
„Законите не може да важат за полицијата само кога треба да нѐ казнуваат“, велат од Синдикатот, изразувајќи разочараност од односот кон полицијата како институција и кон вработените во неа.
Протестот ќе има мирен карактер, а организаторите најавија дека ќе продолжат со активности сè додека нивните барања не бидат слушнати и исполнети.
